1喺遊戲中表達恐懼

小朋友會透過公仔、沙盤、畫畫,演繹「分開」嘅場景——例如「兔仔媽媽要出街,兔仔BB自己一個留低」。治療師陪伴佢經歷呢啲情緒,慢慢減低恐懼。

2喺遊戲中建立「安全感象徵」

遊戲治療由兒童主導,治療師會跟隨小朋友嘅步伐,唔會強迫或指導。但喺遊戲過程中,治療師會敏銳地觀察小朋友使用嘅隱喻(metaphor)——例如小朋友可能會用公仔整一個「屋企」、畫一個「守護者」、或者為自己整一條「魔法手繩」。

治療師會溫柔地反映:「我見到你幫公仔整咗個屋企,好似好安全咁。」或者「你畫咗個守護神喺度,佢會保護你?」

透過呢啲隱喻,小朋友自己創造出象徵安全感嘅物件。治療師會鼓勵佢哋將呢啲象徵帶返日常——例如將「勇氣石」放喺書包,返學時摸摸佢,就好似帶住治療室嘅安全感一齊。

3家長同步學習

治療師會同家長探討:點樣同小朋友講再見?點樣建立穩定嘅「返學儀式」?點樣避免「偷偷走」令小朋友更冇安全感?